Arqalyq qalasynda 5 jasar qyz terezeden qulap kóz jumdy

ARQALYQ. QazAqparat – Qostanaı oblysynda bir kúnde eki bala terezeden qulap ketti, dep habarlaıdy QazAqparat.

Aqparatty oblystyq TJD baspasóz qyzmeti taratty. Oqıǵa 31 tamyz kúni bolǵan.

«Saǵat 13:30 shamasynda Arqalyq qalasynda Maıasov kóshesindegi turǵyn úıdiń besinshi qabatynan 2015 jyly týǵan qyz qulap ketti. Ol terezege shyǵyp, moskıt toryn ustap turǵan. Bul ýaqytta balanyń ata-anasy kórshi bólmede júrdi. Alǵan jaraqat saldarynan bala qalalyq aýrýhananyń jansaqtaý bóliminde kóz jumdy» delingen TJD aqparatynda.

Osy kúni Jitiqara qalasyndaǵy shaǵyn aýdandardyń birinshi 6-qabattan 2007 jyly týǵan jasóspirim qulap ketken.

Ol túrli dene jaraqatymen qalalyq aýrýhanaǵa jatqyzyldy.