Arqalyq qalasynda 300 myńǵa jýyq qus qyrylyp qaldy
Oblystyq veterınarııa basqarmasynyń málimetin súıensek, bir aptanyń ishinde oblysta 299 730 qus ólgen. Qazir mamandar ár eldi mekende tıisti jumys sharalaryn qabyldap jatyr.
«Búgingi málimet boıynsha oblysta jeke sektorlarda ólgen qustardyń sany 3 284-ke jetti. Al Arqalyq qalasyndaǵy «Agroınterqus» qus fabrıkasynda 296 446 qus qyryldy. Jalpy, Qostanaı oblysynda 5 mln 52 myń qus bar. Aýyl sharýashylyǵy kásiporyndary 2 mıllıonnyń ústinde qus baǵyp otyr. Jeke sharýa qojalyqtarynda 32 myń, al jeke sektorda 2 mln 900 myńnyń ústinde qus ósiredi», – deıdi oblystyq veterınarııa basqarmasy basshysynyń orynbasary Baýyrjan Beket.
Qazir oblys aýmaǵynda bekitilgen erejege sáıkes, indettiń taralý qaýpi bar býferlik zona anyqtalyp, indet oshaǵynyń aınalasynda 20-25 shaqyrym qashyqtyqta ornalasqan eldi mekenderdiń qustaryna mindetti túrde vaktsına egý jumystary bastaldy
