Arqalyq qalasy men ERG-diń 15-ten astam kásiporny TBKB mamandaryna ózderindegi bos oryndardan qyzmet usyndy
Qazirgi tańda Torǵaı boksıt ken basqarmasynyń qyzmeti májbúrli túrde toqtaǵan. Shıkizat óndirisi úsh aıǵa toqtatylǵany týraly sáýir aıynda habarlanǵan bolatyn. Buǵan pandemııa saldary men álemdik metaldar bırjasyndaǵy baǵanyń quldyraýy sebep.
Qazirgi tańda TBKB qyzmetkerleriniń sany - 500 adam. Sonyń 281-i kásiporynnyń toqtaýy saldarynan bos otyrsa, 36 adam kezekti eńbek demalysynda.
Osy ýaqyt aralyǵynda TBKB-da buryn óndirilgen boksıt pen otqa tózimdi sazdy jóneltý, kásiporyn aktıvterin saqtaý men fılıaldy qýatpen qamtý, kúzetý sharalary atqarylyp keldi. Osylaısha, kásiporynnyń qazirgi qyzmetine 171 adam jumyldyrylǵan.
«Qazaqstan alıýmınııi» AQ Torǵaı boksıt ken basqarmasynyń jumysyn kezeń-kezeńimen 2023 jylǵa qaraı tolyq toqtatýǵa baılanysty, Eurasian Resources Group jumystan bosaıtyn qyzmetkerlerdi eńbekpen qamtýdyń keshendi baǵdarlamasyn ázirlegen. «Atamken» UKP-men birlese arnaıy saraptama júrgizip, óz kásibin ashyp, isin ilgeriletip ketýge nıetti qyzmetkerlerdiń tizimi jasalǵan. Keıin olar oqytylyp, kásipkerlik negizderin meńgerdi.
Tek tamyz aıynda 13 maman Krasnooktıabr boksıt ken basqarmasyna jumys aýystyrdy. Endi olar vahtalyq ádispen eńbek etip júr. Taǵy 21 adam ERG quramyndaǵy kelesi kásiporyn SSKÓB-ke qyzmet aýystyrǵan. Qos maman qazir Eýrazııalyq Top quramyndaǵy «Shubarkól kómir» AQ-da eńbek etip jatyr. Osy oraıda, Torǵaı boksıt ken basqarmasynyń mamandary qyzmet aýystyrýǵa kelisken jaǵdaıda, Toptyń keıbir kásiporyndary ERG-diń turǵyn úı baǵdarlamasy aıasynda baspana berýge de ázir ekenin atap aıtqan jón. TBKB negizinde qurylǵan «ARQALYQREMSERVIC» JShS de josparly qyzmetin jalǵastyra bermek.
Búgin TBKB-nyń keleshekte qyzmetten bosaıtyn mamandarymen kezekti kezdesý ótti. Bos oryndar jármeńkesine 300-ge jýyq adam qatysty. Eýrazııalyq Toptyń HR-blogy men ózge de kompanııalardyń ókilderi búginde bar vakantsııalar, olarǵa qyzmet aýystyrý sharttary týraly keńinen baıandap berdi.
- Áriptesterimizge 400-den astam vakantsııa usynyldy, - dedi «Eýrazııayq Top» JShS personaldy basqarý departamentiniń dırektory Aqsyrǵa Ermuhanova. - Bul tek ERG tarapynan usynylǵany. Túrli mamandyqtar boıynsha qyzmet usynyp otyrmyz. Óıtkeni olar kompanııa ishinde jumys aýystyrýdan bólek, qaıta oqyp, ózge mamandyqtardy da meńgerip alýlaryna bolady. Biliktilikterin arttyrýǵa da múmkindik bar. Óz isin bastaýǵa nıetti qyzmetkrelerge bıznestiń negizderin oqýǵa da járdemdesýge daıarmyz. Bul baǵyttaǵy jarqyn mysaldyń biri – «ARQALYQREMSERVIC» JShS. Kompanııany TBKB burynǵy qyzmetkeri Vıktor Sýrovtsev qurǵan. Biz ózge áriptesterimizdiń qolynan mundaı is kelerine nyq senimdimiz.
Qazirgi tańda Pavlodardaǵy kásiporyndarǵa jetkiziletin boksıttegi Torǵaı ken basqarmasynyń úlesi nebary 3,4% mejesinde. Pavlodar alıýmınıı zaýytynyń tolyqqandy jumysyn báseńdetpeý úshin onyń qoımasy Krasnooktrıabr boksıt ken basqarmasynan jetkiziletin kenmen tolyqtyrylady.
- Bul kenishten shıkizat óndirý toqtatylatyny birneshe jyl buryn aıtylǵan, - dedi TBKB dırektory Manarbek Nurmaǵan. – Geologtardyń boljamy boıynsha torǵaılyq boksıt qory tipten 2016 jyly túgesilýi tıis edi. Kenishtiń qyzmetin toqtatpaý úshin kompanııa óndiristiń jyldyq mólsherin báseńdetti. Alaıda, bul kenish jabylmaıdy degen sóz emes qoı. Kenish jumys istep turǵan kezde atqarylǵan is az emes. Bir kezderi Pavlodar alıýmınıı zaýytynyń tyń tarıhyn qalyptastyrǵan óndiris jaıly áńgime basqa. Tek sońǵy tórt jylda aımaqtyń áleýmettik-ekonomıkalyq damýyna 100 mln teńgeden astam qarajat baǵyttaldy.
Osy oraıda, TBKB mamandary ózderi usynǵan Ashyt pen Úshtóbe kenoryndaryn ıgerýdiń ekonomıkalyq tıimdiligi ýaqytyly saralanǵanyn da aıta ketken jón. Alaıda, osy saladaǵy bilikti de táýelsiz quzyrly uıymdardyń saraptamasy olardy ıgerý men ondaǵy óndiris tehnkalyq-ekonomıkalyq turǵyda tıimsiz ekenin kórsetti. Úshtóbe ken ornyna qatysty derekter sonaý 2013 jyly, al Ashyt telimderiniń 7 jáne 15 ýchaskelerine qatysty túpki saraptamalar aqpan aıynda jarııalandy. ıAǵnı, atalǵan kenishterdi ıgerý tek shyǵynǵa ushyratady.
Bas-aıaǵy 60 jyldan astam ýaqytta 1,5 mlrd. m3 taý-ken massasy arshylyp, 80 mln tonnadan astam boksıt pen 20 mln tonna otqa tózimdi saz alyndy. Jabylý protsesine qatysty sońǵy sheshim qabyldaǵan soń kompanııa taý-ken qyzmeti saldarynyń qorshaǵan ortaǵa áserin azaıtý qamyna kirisedi. Sonyń ishinde úıindilerdi tehnıkalyq jáne bıologııalyq qalpyna keltirý.
