«Arqalyq habary» basylymy latynsha jaryq kórdi

QOSTANAI. QazAqparat - Arqalyq qalasynyń aptalyq gazeti - «Arqalyq habary» gazettiń kezekti nómirin latyn álipbıimen shyǵardy, dep habarlaıdy QazAqparat tilshisi.

Aıta ketý kerek, gazet eksperıment túrinde birinshi ret latynsha jaryq kórdi.

Bas redaktor Qaırat Esmaǵambetovtiń aıtýynsha, gazetti latynsha shyǵarý josparda bolmaǵan.

«Bárińizge belgili, Elbasy jańa latyn álipbıin bekitti. Osy oraıda biz de tájirıbe retinde óz gazetimizdi latyn grafıkasymen usynyp kórdik. Bul joly basylymnyń birinshi betin ózgertip jasadyq. Mundaǵy maqsat - oqyrmandardyń pikirin bilý. Olar qalaı qabyldaıdy? Mine, osy suraqqa jaýap izdeý úshin jańashyldyqqa baryp otyrmyz», - dedi Esmaǵambetov.

Bas redaktordyń sózinshe, ǵalamtorda kırıllıtsany latyn áripine birden aýystyratyn arnaıy baǵdarlamalar bar. Sol sebepti, basylymdardy latynsha tańbalaý qıyndyq týǵyzbaıdy.