Arqalyqta turǵyn úıdegi dúken órtenip, 10 adam evakýatsııalandy

ASTANA. KAZINFORM — Qostanaı oblysy Arqalyq qalasynda bes qabatty turǵyn úıdiń birinshi qabatynda azyq-túlik dúkeninen órt shyqty, dep habarlaıdy TJM baspasóz qyzmeti.

Oqıǵa ornyna dereý TJD bólimsheleri bardy. Qutqarýshylar tútin basqan úıden 10 adamdy, onyń ishinde 5 balany evakýatsııalady.

— Órt sóndirýshilerdiń jedel áreketteriniń arqasynda jarylys bolmady. Dúkennen úsh gaz jáne úsh ottegi ballony shyǵaryldy. Zardap shekkender joq, — delingen habarlamada.

Eske salsaq, Ekibastuzdyń aýyldyq aımaǵynda jeke sharýashylyqtyń úıi men sharýashylyq ǵımarattary órtengen. Tilsiz jaýdyń saldarynan úıde bolǵan 6 adam órtenip ketken.