Arqalyqta mekteptiń shatyry órtendi
QOSTANAI. KAZINFORM - Qostanaı oblysynyń Arqalyq qalasynda №5 orta mekteptiń tórt qabatty ǵımaratynyń shatyry órtendi.
Tótenshe jaǵdaı týraly habar túskennen keıin úsh mınýt ishinde oqıǵa ornyna alǵashqy órt sóndirý bólimshesiniń qyzmetkerleri jetken.
TJM málimetinshe, qutqarýshylar kelgen kezde ǵımarattyń shatyry ashyq jalynmen janyp jatqan.
Aldyn ala málimet boıynsha, órt aýmaǵy 1100 sharshy metr.
Órtti sóndirýge órt sóndirý bólimsheleri men TJM jedel-qutqarý jasaǵy jumyldyryldy. Oqıǵa ornynda polıtsııa qyzmetkerleri men jedel járdem brıgadasy da jumys istep jatyr.
Aldyn ala málimetterge sáıkes, qaza tapqandar men zardap shekkender joq.
Sýmen úzdiksiz qamtamasyz etý úshin nysannan 300 metr qashyqtyqta ornalasqan eki órt gıdranty paıdalanylyp jatyr.
Órttiń shyǵý sebepteri anyqtalyp jatyr.
Aıta ketelik búgin Aqtóbede qoqys polıgonynan órt shyqqan edi.
