Arqalyqta aýdarylǵan AN-2 ushaǵy ınfarkt alǵan naýqasty tasymaldaǵan

QOSTANAI. KAZINFORM — Qostanaı oblysynyń jedel járdem kóliginiń baspasóz qyzmeti bir kún buryn aýdarylyp qalǵan sanıtarlyq avıatsııa bortyndaǵy jolaýshylardyń jaǵdaıy týraly habarlady. Onyń atap ótýinshe, adam ómirine qaýip tónip turǵan joq, ishinde bolǵan naýqastyń jaǵdaıy turaqty.

Eske sala ketsek, oqıǵa bir kún buryn bolǵan: Arqalyqta sanıtarlyq avıatsııanyń borty sýǵa aýdarylyp ketken.

Bortta ushqyshtar, sanıtarlyq avıatsııa brıgadasy jáne patsıent bolǵan. 

«Tótenshe jaǵdaı oryn alǵan jerge 3 jedel járdem brıgadasy shyqty. Órt sóndirýshilerge ushaqtaǵy barlyq adamdardy evakýatsııalaýǵa kómekteskeni úshin alǵys aıtamyz. Abyroı bolǵanda, borttaǵylardyń barlyǵy aman. Ekıpaj, patsıent jáne sanıtarlyq avıatsııa brıgadasy tekserý úshin Arqalyq oblystyq aýrýhanasynyń jedel járdem bólimine jetkizildi. Sanıtarlyq avıatsııa toby músheleriniń eshqaısysy aýrýhanaǵa jatqyzýdy qajet etpeıdi. Oblys ortalyǵyna jetkizilip, qazir Arqalyq dárigerleriniń baqylaýynda jatqan naýqastyń jaǵdaıy birqalypty» dep habarlady vedomstvodan.

Sondaı-aq patsıent búgin sol sanıtarlyq avıatsııa komandasymen, biraq jerdegi kólikpen tasymaldap jatqany atap ótildi.