Arqalyq pen Aqsuńqar arasynda qatynaǵan AN-2 ushaǵy apatqa ushyrap, qyzyl sýǵa qondy

QOSTANAI. KAZINFORM — Qostanaı oblysynyń Arqalyq pen Aqsuńqar arasynda qatynaıtyn sanıtarlyq reıs orta jolda úzildi. 

Arqalyq-Aqsuńqar arasynda sanıtarlyq reıs oryndaıtyn Navigator avıakompanııasynyń An-2 ushaǵy áýege kóterilgennen keıin 16:10–da aıaq astynan bıiktigin birden tómendetip, erigen qar sýy jınalǵan sý aıdynyna syrǵyp tústi.  

Ushaq bortynda 2 ekıpaj múshesi jáne 3 jolaýshy bolǵan.

Búkil jolaýshylar men ekıpaj múshelerin Qostanaı oblysynyń tótenshe jaǵdaılar departamenti Arqalyq qalalyq aýrýhanasyna jetkizgen.

Aldyn ala málimet boıynsha, zardap shekkender joq.

Oqıǵa ornyna Kóliktegi oqys oqıǵalardy tergeý departamentiniń qyzmetkerleri jiberildi.

«Apattar men oqys oqıǵalardy tergep-tekserý qaǵıdasyna sáıkes bul apat avıatsııalyq oqıǵaǵa jatqyzylady jáne ony azamattyq avıatsııa salasyndaǵy ýákiletti organ tergeýge tıis» dep habarlady Kólik mınıstrliginen. 

Oqıǵanyń mán-jaıyn anyqtaıtyn komıssııa quryldy.

Jaǵdaıdyń sebepteri anyqtalyp jatyr.