Arqalyq áýejaıynan Astana, Almaty jáne Qostanaıǵa reıster ashylady
QOSTANAI. KAZINFORM – Arqalyq áýejaıynan úsh baǵyt boıynsha áýe reısteri ashylady. Bul týraly Qostanaı oblystyq máslıhatynyń kezekti sessııasynda óńir basshysy Qumar Aqsaqalov málimdedi.
Jospar boıynsha Arqalyqtan Astanaǵa, Almatyǵa jáne Qostanaıǵa turaqty reıster ashylady. Áýejaıdy Q400, ATR72 jáne CRJ200 úlgisindegi óńirlik áýe kemeleri paıdalanbaq. Olar qysqa jáne orta qashyqtyqtaǵy baǵyttarǵa arnalǵan.
Aldaǵy áýejaıdyń aýmaǵy shamamen 3,2 myń sharshy metrdi quraıdy. Jolaýshylar aǵyny saǵatyna 70 adamǵa eseptelgen.
Buǵan deıin Arqalyqtaǵy áýejaıdy qaıta qalpyna keltirý josparlanǵan. Áýe aılaǵyn jańǵyrtý quny 8,4 mlrd teńgege baǵalanǵan. Keıinirek áýejaı qurylysyn júrgizetin merdiger kompanııa anyqtaldy.
Aıta keteıik, Úkimet Arqalyq qalasynyń jylý jelilerin rekonstrýktsııalaý men jańǵyrtýǵa qarajat bóldi.