Arqalyq áýejaıyna IATA halyqaralyq kody resmı túrde berildi
ASTANA. KAZINFORM — QR Kólik mınıstrligi áýejaıǵa IATA kodyn berý boıynsha tıisti jumystar júrgizdi.
Júrgizilgen jumystyń qorytyndysy boıynsha, 2026 jylǵy 12 tamyzda Halyqaralyq áýe kóligi qaýymdastyǵy (IATA) Arqalyq áýejaıyna úsh áripten turatyn AYK resmı kodyn berdi.
Atalǵan kod biregeı bolyp esepteledi jáne Arqalyq áýejaıyn álemdik brondaý jáne áýebıletterin rásimdeý júıelerine, reıster kestesine, sondaı-aq azamattyq avıatsııa salasyndaǵy basqa da jahandyq aqparattyq júıelerge ıntegratsııalaýǵa múmkindik beredi.
Eske salaıyq, buǵan deıin Arqalyq áýejaıy alǵashqy reısti qabyldaýǵa daıyndalyp jatqany týraly jazǵanbyz.
Sondaı-aq Balqash áýejaıy qaıta ashylǵaly 85 reıs oryndalǵanyn habarlaǵanbyz.
