Arqadan Alataýǵa, Alataýdan Altaıǵa bet alǵan kóshpeli kórme jumysyn bastady
Atalǵan joba elordanyń 20 jyldyǵyna arnalyp, «Rýhanı jańǵyrý» baǵdarlamasy aıasynda júzege asyrylyp otyr. Jobanyń maqsaty - respýblıka óńirleriniń tarıhy men mádenıetin bilý, Qazaqstannyń tarıhı tulǵalarynyń ómirbaıany men shyǵarmashylyǵymen tanystyrý, halyqtyń mádenı tanymyn baıytyp, qazaqstandyq qoǵamnyń rýhanı turǵyda damýyna sep bolý bolyp tabylady. Jobaǵa Soltústik Qazaqstan, Aqmola, Qaraǵandy, Pavlodar, Almaty, Shyǵys Qazaqstan oblystarynyń 30-dan astam murajaılary qatysady.
«Bıyl elordamyzdyń 20 jyldyǵy aıasynda josparlanǵa is-sharalar aıasynda kórmeler uıymdastyrý, jalpy shyǵarmashylyqta júrgen bizdiń zamandastarymyzdyń murasymen tanystyrý jumystaryna erekshe mańyz beriledi. Bıyl «Rýhanı jańǵyrý» baǵdarlamasy aıasynda da mádenı, rýhanı salada kóptegen aýqymdy sharalar júzege asyrylyp jatyr. Mine, búgingi aıtýly shara - eń mańyzdy kórmelerdiń biri dep bilemiz. Búgingi kórmede úsh oblystyń ǵana jádigerleri kórsetilgen. Kóshpeli kórme aıasynda onyń aýqymy ózge óńirlermen birge keńeıe bermek», - deıdi Astana qalasy ákiminiń orynbasary Ermek Amanshaev.
Jobany aqyn, pýblıtsıst, «Alash» qozǵalysynyń qaıratkeri Maǵjan Jumabaevtyń 125 jyldyq mereıtoıyna arnalǵan «Ultyn súıgen uly júrek» kórmesimen Soltústik Qazaqstan oblystyq murajaılar birlestigi, «Ulytaý álemi» kórmesimen «Ulytaý» ulttyq tarıhı-mádenı jáne tarıhı qoryq murajaıy, «Rýhanı jańǵyrý» kórmesimen Aqmola oblysynyń murajaılary ashyp otyr. Atalǵan kórmeler ústimizdegi jyldyń 10 maýsymyna deıin jalǵasady.
Ary qaraı jobany Pavlodar oblysynyń (16-22 maýsym), Almaty jáne Shyǵys Qazaqstan oblysynyń (27 maýsym - 7 shilde) murajaılary jalǵastyrady.
