Arqadaǵy Amal merekesi: qyzyljarlyq ónerpazdar aqmolalyq áriptesterimen kóristi
KÓKShETAÝ. KAZINFORM – Kókshetaýda Amal merekesine oraı Aqmola jáne Soltústik Qazaqstan oblystarynyń mádenıet salasy ókilderiniń «Naýryznama bastaýy – kórisý kúni» atty merekelik sharasy ótti.
14 naýryz - «Kórisý kúni» («Amal» merekesi) dástúr boıynsha kórshilerge sálem beretin ýaqyt.
Bul kúni alǵash ret Soltústik Qazaqstan jáne Aqmola oblystarynyń mádenıet maıtalmandary, mádenıet qaıratkerleri uzaq qystan aman-esen shyqqanyna qýanyp, bir-birimen qol alysty.
Aqan seri atyndaǵy Soltústik Qazaqstan oblystyq fılarmonııasynyń «Ádemi-aý» bı ansambliniń jetekshisi Rasızma Sýchkova, solısteri Ǵalymjan Nurpeıisov, Erkebulan Káripov jáne Úkili Ybyraı atyndaǵy Aqmola oblystyq fılarmonııasynyń «Aınakól» folklorlyq ansambli, halyqaralyq baıqaýlardyń laýreaty «Gákký» bı ansambliniń ujymy men jetekshisi, «Mádenıet salasynyń úzdigi» Gúlmıra Ordabaeva oblys shekarasy aýmaǵynda kezdesý ótkizdi.
Tatýlyq pen baýyrmaldyqqa shaqyratyn taǵlymy mol merekede Aqmola oblysy mádenıet basqarmasynyń basshysy Aıgúl Sábıtova men Soltústik Qazaqstan oblysy mádenıet, tilderdi damytý jáne arhıv isi basqarmasy basshysynyń mindetin atqarýshy Sanat Áýbákirov jurtshylyqty Naýryz merekesiniń bastaýy – Kórisý kúnimen quttyqtady.
«Bizdiń elimiz úshin dostyq pen yntymaqty úlgi etetin osyndaı jarqyn merekeniń mańyzy zor. Sondyqtan búgingi sharada barshańyzdy Kórisý kúnimen shyn júrekten quttyqtaımyn!», - dep atap ótti Aıgúl Sábıtova.
Amal merekesinde qos fılarmonııanyń óner ujymdary qaýyshyp, ádet-ǵurypqa saı shashý shashty. Ónerpazdar án men jyrdan shashý shashyp, erekshe qýanyshty kóńil-kúı syılady.
Aıta ketsek, budan buryn aqmolalyqtar bıyl Naýryz meıramyn erekshe naqyshta toılaıtynyn jazǵan edik.
