Arızonada burynǵy olımpıadalyq jelaıaq áýe apatynda qaza boldy
ASTANA. 28 shilde. QazAqparat - Arızonanyń Sedona qalasynda burynǵy olımpıadalyq jelaıaq áýe apatynda qaza boldy, dep habarlaıdy Associated Press.
Pet Porter 1984 jáne 1988 jyldary eki ret Olımpıada oıyndaryna qatysqan. Onyń qaza bolǵanyn sportshynyń zaıyby Trısh Porter rastady. Ol da Olımpıada oıyndarynyń burynǵy qatysýshysy bolyp tabylady.
53 jastaǵy P.Porterdiń atyna tirkelgen Beech B-60 ushaq 26 shilde kúni jerden ushar kezde apatqa ushyraǵan. Alaıda bılik ókilderi qaza bolǵan azamattyń jeke tulǵasyn rastaýǵa asyqpady. Búgin Trısh Porter onyń joldasy Pet Porterden basqa olardyń 15 jasar uldary jáne taǵy bir jasóspirim qaza bolǵandyǵyn habarlady.
