Arızona shtatynyń senatory AQSh prezıdenti saılaýyna qatysý múmkindigin qarastyryp otyr

Galego 900 latynamerıkalyq azamat qatysqan Amerıka qurylys ındýstrııasy qaýymdastyǵynyń (ABA) jyl saıynǵy keshki asynda sóz sóıledi.

— Bir nárseni anyqtap alaıyq jáne eshkimniń, ásirese osy jaǵdaıda, ony umytýyna jol bermeıik: latynamerıkandyqtar — patrıottar. Bul el bizdi tolyqtaı jaqsy kórmese de, biz bul eldi jaqsy kóremiz. Eger siz bul eldiń gúldenip, úzdik bolýyn qalasańyz, álemde úzdikter qatarynda bolǵyńyz kelse, onda latynamerıkandyqtarǵa ınvestıtsııa salýyńyz kerek. Biz — bolashaqpyz, biz — halyqpyz, biz — naryqpyz, biz — jumysshylarmyz, biz — tutynýshylarmyz, — dep keltirdiń onyń sózin NBC News. 

Galegonyń aıtýynsha, ol 2024 jylǵy prezıdent saılaýynda partııadan teris aınalǵan latynamerıkalyq elektoratty qalaı qaıtarý týraly demokrattarmen kelissóz júrgizýdi jalǵastyrady. Sol kezde vıtse-prezıdent Kamala Harrısti latynamerıkalyqtardyń 51%-y qoldady.

Galego AQSh-tyń Immıgratsııa jáne keden polıtsııasyna qatysty qazirgi ýaqytta kóptegen demokrattar nasıhattap jatqan «ICE-di joıý» ıdeıasyn qabyldamaıtynyn málimdedi. 

— Bizge jaman adamdardy deportatsııalaıtyn ımmıgratsııalyq qyzmet qajet ekenin bilemiz. Biz jaman adamdardyń elge kirgizilmeýin qalaımyz. Biz olardyń elge zańsyz kirgizilmeýin qalaımyz, — dep habarlady Rýben Gallego.

Senator bılikti teris paıdalanýdyń aldyn alý úshin qyzmetti reformalaý, onyń ókilettigin shekteý qajet dep sanaıdy, «biraq elde ımmıgratsııalyq zańdardy oryndaý tetigi bolmaıdy degen oıdyń ózi absýrd, sebebi bul eshqashan bolmaıdy». 

Galego Izraılge qatysty onyń áskerı operatsııalarynyń kóptegen aspektilerimen, sonyń ishinde Iranmen soǵys jáne Lıvanǵa qatysty saıasatymen kelispeıtindikten eldiń shabýyldaý áleýetine qarajat bólý ıdeıasyn qoldamaıtynyn málimdedi. Alaıda ol Izraıl qorǵanysyn qarjylandyrýdy qoldaıdy.

Galego — Teńiz jaıaý áskerleriniń ardageri jáne Garvard ýnıversıtetiniń túlegi. Ol úsh balanyń ákesi.

Onyń ákesi Meksıkadan shyqqan, al anasy kolýmbııalyq. Anasy ulyn jáne ápkelerin Chıkagonyń ońtústik jaǵynda jalǵyz ósirgen.

Galego ózin latynamerıkalyq saılaýshylar úshin laıyqty saıası tulǵa dep sanaıdy, bul ózin 2028 jyly AQSh prezıdenti qyzmetine úmitker retinde qarastyrýynyń bir sebebi.

Osyǵan deıin vıtse-prezıdent Djeı Dı Vens Respýblıkalyq partııa atynan 2028 jyly prezıdent qyzmetine basty úmitker bolǵanyn jazdyq. 

Sondaı-aq Nıý-Djersı shtatynan shyqqan senator Korı Býker 2028 jyly prezıdenttikke úmitker bolýy múmkin ekenin málimdedi.