Arızona aýrýhanasynda áıel adam balasyn óltirip, keıin óz-ózine qol saldy
ASTANA. QazAqparat - Amerıkanyń Fınıks (Arızona shtaty) qalasynyń mańyndaǵy balalar aýrýhanasynda áıel óz balasyn óltirip, keıin óz-ózine qol jumsady, dep Assoshıeıted Press agenttigi polıtsııadaǵy aqparat kózine silteme jasap habarlady.
Fınıks mańyndaǵy Mesa qalasy polıtsııasynyń ókili Stıv Berrı (Steve Berry) Kardon medıtsınalyq ortalyǵynyń meıirbıkeleri 27 jastaǵy Tammı Grıffıt (Tammy Griffith) pen onyń bes jasar uly Gelıostyń (Helious) máıitin balanyń palatasynda tapqanyn aıtty, dep habarlady RIA «Novostı» .
«Olar eki saǵat saıyn tekseris júrgizedi», - dedi Berrı. Berrı anasy men onyń ulyn túske jaqyn aman kúıde kórgenin, al 14.00-de olardyń óli denelerin tapqanyn aıtty».
Berrıdiń sózine qaraǵanda, áıel oq jaraqatynan qaza tapqan, al bala qalaı ajal qushqanyn polıtsııa aıtpady.
Tergeýshilerdiń nusqasy boıynsha, áıel aldymen ulyn óltirip, keıin óz-ózine qol salǵan. Aýrýhanada eshkim qarýdyń dybysyn estimegen jáne ózge de kúdikti áreketterdi baıqamady. Bala jeke palatada jatqan.
