Arystanbab pen ıAsaýı kesenelerin jalǵaıtyn 4 jolaqty jol qashan aıaqtalady
TÚRKІSTAN. KAZINFORM — Qazirgi tańda Túrkistan-Sháýildir baǵytyndaǵy uzyndyǵy 64,1 shaqyrym avtojoldy keńeıtý jumystary júrip jatyr. Atalǵan joldy qaıta qurý jobasy 2022 jyly bastalǵan.
Otyrar aýdanyndaǵy Arystanbab kesenesi men Otyrar qalashyǵyna, sondaı-aq Túrkistan qalasyndaǵy Qoja Ahmet ıAsaýı kesenesine elimizdiń túkpir-túkpirinen ǵana emes, shetelden de zııarat etýshiler kóptep keledi.
Bul turǵyda Túrkistan-Sháýildir baǵytynda salynyp jatqan 4 jolaqty avtojoldyń týrızm salasyn damytýdaǵy mańyzy erekshe.
Búgingi tańda kúre jol qurylysynyń 53 paıyzy aıaqtalǵan. Bıyl jyl sońyna deıin joldyń 34 shaqyrymyn paıdalanýǵa berý josparlanǵan.
Túrkistan oblysy jolaýshylar kóligi jáne avtomobıl joldary basqarmasynyń málimetinshe, jobanyń jalpy quny — 55,2 mlrd teńge. Qaıta qurý jumysy 4 ýchaskege bólingen.
— Jobaǵa sáıkes, qoldanystaǵy 2 jolaqty, eni 7 metr jol qazir 4 jolaqty bolyp, ıaǵnı eni 15 metrge keńeıtilip jatyr. Joldaǵy kópirler men sý ótkizgish qubyrlar tolyq qaıta qurýdan ótedi, kólik júrgizýshiler úshin demalys oryndary, ájethanalar qarastyrylǵan. Sonymen qatar, eldimeken ishterinde sýaǵar, jaryqtandyrý, baǵdarshamdar, aıaqjol jáne aıaldamalar ornatý kózdelgen. Qazirgi tańda joldyń III, IV ýchaskelerinde jumystar tolyq aıaqtalyp, nysandardy bıyl jyl sońyna deıin paıdalanýǵa berý josparlanyp otyr, — delingen vedomstvo usynǵan aqparatta.
Odan bólek, atalǵan joldyń I, II ýchaskelerinde (30 shaqyrym) qaıta qurý jumystaryna tıisti qarjy qaralǵan.
Onda 9 jerde aınalma jol salynyp, sý ótkizgish qubyrlaryn aýystyrý jáne jol negizin salý, temirjol ótkelin salý, asfalt jabynyn tóseý jumystary júrgizilip jatyr. Merdiger mekeme — «Alem Trans Jol» JShS. Nysannyń qaıta qurý jumystary 2026 jylǵa ótpeli.
Josparǵa sáıkes, 2027 jyly joldyń qurylysy tolyq aıaqtalyp, paıdalanýǵa beriledi.
Budan buryn Túrkistan-Kentaý tasjolynda kisi ólimi kóbeıgenin jazǵan edik.