Arystaǵy jarylys: 40 jastaǵy ózbekstandyq áıel qaıtys boldy

ARYS. KAZINFORM — Naýbaıhanada 5 gaz balony bolǵan.

Naýbaıhanada bolǵan órt saldarynan ózbekstandyq áıel qaıtys boldy.

Al, ekinshi er adamnyń jaǵdaıy aýyr. Denesiniń 25-30 paıyzyn kúıik shalǵan ol qazir jansaqtaý bóliminde jatyr.

«Eki Ózbekstan azamaty aýrýhanaǵa aýyr halde jetkizildi. Denesiniń 90 paıyzy kúıip qalǵan 40 jastaǵy áıel adam kóz jumdy», — dedi Arys aýdandyq aýrýhanasynyń dáriger-hırýrgi Talǵat Tajımetov.

Jalpy naýbaıhanada 5 gaz balony bolǵan. Bir balon órt sóndirýshiler kelgenshe jarylyp ketken.

Al, tórteýin tótenshe jaǵdaı qyzmetkerleri qaýipsiz jerge alyp shyqty.

Aıta keteıik, búgin Arysta gaz ballony jarylyp, eki adam aýrýhanaǵa jetkizilgen bolatyn.