Arysta urylar 8 aılyq sábıdiń altyn syrǵasyn qulaǵynan sheship alyp ketti
TÚRKІSTAN. KAZINFORM- Qazirgi tańda kúdikke ilingen 29 jastaǵy áıel qamaýǵa alyndy.
Bazarda eki balasymen taksı izdep júrgen áıeldi kórgen kúdikti kómektespek bolǵan. Sodan jábirlenýshiniń 8 aılyq sábıin qolyna alyp, taksıge deıin shyǵaryp salǵan. Jol boıynda kúdikti baıqatpaı náresteniń qulaǵyndaǵy altyn syrǵasyn sheship alǵan. Sodan kóp uzamaı lombardqa ótkizip jibergen.
Arys aýdandyq polıtsııa bóliminiń qyzmetkerleri jedel-izdestirý is-sharalaryn júrgizý barysynda urlyq jasady degen kúdikpen 29 jastaǵy jergilikti turǵyndy qolǵa túsirdi.
«Tártip saqshylary syrǵany taýyp, zańdy ıesine qaıtardy. Qazirgi tańda áıeldiń budan basqa da qylmysqa qatystylyǵy tekserilip, tergeý amaldary júrgizilip jatyr» - delingen Túrkistan oblysy polıtsııa departamentiniń baspasóz qyzmeti taratqan aqparatta.