Arysta taǵy jarylys boldy ma
TÚRKІSTAN. KAZINFORM – Túrkistan oblysynyń Arys qalasynda jarylys bolǵany týraly aqparat áleýmettik jelilerde tarap jatyr.
Jergilikti turǵyndardyń aıtýynsha, Arystaǵy áskerı bólimnen qatty jarylys daýsy estilgen. Sonymen qatar ol aýmaqta órt bolǵanyn kórsetetin kadrlar jarııalandy.
Oqıǵaǵa qatysty Shymkent garnızonynyń baspasóz qyzmeti túsinikteme berdi.
– 2026 jylǵy 19 tamyzda saǵat 19:00 shamasynda Arys garnızonyndaǵy áskerı bólimderdiń biriniń tehnıkalyq aýmaǵynda qurǵaq shóp tutandy. Órt kezinde joıýǵa aldyn ala daıyndalǵan oq-dári fragmentiniń dúmpý daýysy estilgen. Zardap shekkender men qıraǵan nysandar joq. Jaǵdaı baqylaýda. Órt tolyqtaı óshirildi, oqıǵa ornynda tıisti qyzmetter jumys istep jatyr, – delingen resmı habarlamada.
Vedomstvo azamattardy áleýmettik jelilerde taraǵan rastalmaǵan aqparatqa senbeýge jáne tek resmı derekkózderge súıenýge shaqyrdy.
Buǵan deıin Arys qalasyndaǵy oq-dári qoımasynyń jarylysy Qazaqstan tarıhyndaǵy iri tehnogendik apattardyń birine aınalǵany týraly jazǵan edik.
