Arysta gaz ballony jarylyp, eki adam aýrýhanaǵa tústi
TÚRKІSTAN. KAZINFORM- Arysta gaz ballony jarylyp, eki adam aýrýhanaǵa tústi. Denesin kúıik shalǵan eki adamnyń da jaǵdaıy aýyr.
Arys qalasyndaǵy Qazybek bı kóshesinde ornalasqan úsh birdeı kommertsııalyq nysan órtke orandy.
Saldarynan 50 lıtr gaz balony jarylyp, eki adamnyń denesin kúıik shaldy. Órt sóndirý qyzmeti oqıǵa ornyna jetken soń, naýbaıhana ishinen taǵy 2 dana 50 lıtr jáne 2 dana 25 lıtr gaz ballonyn qaýipsiz jerge shyǵardy.
«Bir qabatty shatyr astynda ornalasqan tehnıkalyq qyzmet kórsetý ortalyǵy, naýbaıhana jáne dúkendi órt shaldy. 40 jastaǵy er adam denesiniń 65-70 paıyzyn kúıik shalsa, 36 jastaǵy ekinshi adam 25-30 paıyz kúıip qalǵan. Qazir eki zardap shegýshi de ortalyq aýrýhanaǵa jatqyzyldy» delingen Túrkistan oblysy Tótenshe jaǵdaılar departamentiniń baspasóz qyzmeti taratqan aqparatta.
