Arys qalasynda aǵaıyndy eki er adam sıntetıkalyq esirtki óndirisin uıymdastyrǵan
ASTANA.KAZINFORM - Іshki ister mınıstrligi «Zań men Tártip» qaǵıdaty aıasynda esirtki óndirýge jol bermeý boıynsha keshendi sharalar qabyldap jatyr, - dep jazdy Polisia.kz.
Mamyr aıynyń basynda jalpy jáne arnaıy is-sharalar keshenin júrgizý nátıjesinde mınıstrlik qyzmetkerleri Túrkistan oblysy Arys qalasynda esirtki zerthanasyn joıdy.
Jedel-izdestirý is-sharalary barysynda qalanyń shetinde ornalasqan jeke turǵyn úıde aǵaıyndy eki er adamnyń sıntetıkalyq esirtkini iri kólemde zańsyz óndirýdi uıymdastyrǵany anyqtaldy.
- Oqıǵa ornynan tintý kezinde jarty tonnaǵa jýyq suıyq mefedron, 1,5 tonna prekýrsor alyndy. Olarǵa saraptama taǵaıyndaldy. Sondaı-aq reaktor, kolbalar, magnıttik aralastyrǵysh, kanıstrler, plastıkalyq naýalar jáne esirtki óndirý belgileri bar ózge de qural-jabdyqtar tárkilendi. Kúdiktilerge qatysty Qylmystyq kodekstiń 297-1-baby boıynsha sotqa deıingi tergep-tekserý bastaldy, onyń sanktsııasy ómir boıyna bas bostandyǵynan aıyrýǵa deıingi jazany kózdeıdi. Ustalǵandar ýaqytsha ustaý ızolıatoryna qamaldy. ІІM eskertedi: esirtki óndirýdi jolǵa qoıýǵa baǵyttalǵan kez kelgen áreket qatań túrde toqtatylady. Atalǵan baǵyttaǵy jumys jalǵasyp jatyr, - dedi ІІM esirtki qylmysyna qarsy is-qımyl komıteti tóraǵasynyń orynbasary Eldar Ábdikenov.
Aıta keteıik, Almatyda 20 jastaǵy kýrerden 2,5 keli esirtki tárkilendi.
