Áriptesterine kedergi keltirip jatqan baıqaýshylar bar - Nurlan Óteshev
«Kásipodaqtar federatsııasynyń respýblıkalyq shtabynyń málimetinshe, qazirgi kezde jalpy saılaýshylardyń 50 paıyzdan astamy daýys berip úlgergen. Ekinshiden, zańbuzýshylyqtarǵa, feık jańalyqtarǵa nazar aýdarsaq, mundaı jaǵdaılardyń kóbi adamı faktorǵa baılanysty. Onyń ishinde bir otbasy bolyp kabınkaǵa kirip ketý sııaqty oqıǵalar kezdesedi. Degenmen olar saılaý protsesine asa qatty kedergi jasaıtyn kemshilikter emes», - dedi Nurlan Óteshev Saılaýdy beıpartııalyq baıqaý ortalyǵynda tilshilerdiń suraǵyna jaýap bere otyryp.
Onyń aıtýynsha, keıbir baıqaýshylar áriptesterimen sózge kelip te qalyp jatyr.
«Keıbir baıqaýshylar ózderiniń narazyǵylyn kórsete me, álde basqadan bilimdi ekenin tanytqysy kele me, áıteýir basqa baıqaýshylarǵa ózderiniń is-áreketimen kedergi jasap jatyr. Osyndaı jaǵdaı bir emes, birneshe oblysta tirkeldi. Oǵan da bárimiz baǵa berýge daıynbyz. Eń birinshiden, aýmaqtardan túsip jatqan málimetterge súıensek, asa qatty bir zańbuzýshylyq joq. Azamattar daýys berý quqyǵyn tolyq paıdalanýda», - dedi ol.
