Áriptesterime eshkim de ıdeologııalyq shekteýler qoımaı, kerisinshe túbegeıli zertteýler júrgizý sharalary jasalýda - B. Aıaǵan
ASTANA. 31 shilde. QazAqparat - Ǵalymdar úshin kásibı shynyǵý men syn saǵaty qatar kelip tur.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Memleket tarıhy ınstıtýtynyń dırektory, tarıh ǵylymdarynyń doktory Búrkitbaı Aıaǵan málim etti.
«Eń bastysy, basqa kezeńdermen salystyrǵanda ǵalymdarǵa memlekettik qoldaý kórsetilip otyr. Endigi jerde meniń áriptesterime, ǵalymdarǵa eshkim de ıdeologııalyq shekteýler qoımaı, kerisinshe olarǵa túbegeıli de, tolyq zertteýler júrgizý sharalary jasalýda»,-dep atap ótti ol.
«Sonymen, tutastaı jaýapkershilik ǵalym-tarıhshylardyń moınyna júktelip otyr. Bylaısha aıtqanda, ǵalymdar úshin kásibı shynyǵý men syn saǵaty qatar kelip tur. Endeshe, otandyq tarıhshylardyń is-qımyldaryn jappaı jumyldyrý, qolymyzdaǵy barlyq ǵylymı jáne ıntellektýaldy áleýetti tıimdi paıdalaný qajet»,-dep túıdi B. Aıaǵan.
