Áriptesiniń basynan balǵamen uryp jibergen ekibastuzdyq sottaldy
PAVLODAR. QazAqparat - Ekibastuz soty áriptesiniń basynan balǵamen uryp jibergen er adamdy úsh jyl alty aıǵa bas bostandyǵyn shektedi, dep habarlaıdy QazAqparat tilshisi.
Іs materıaldaryna sáıkes, azamat R. jumys ornynda, ıaǵnı JShS aýmaǵynda áriptesi M.-ge tehnolog-maman retinde jumysyndaǵy aqaýdy qaıta túzeýdi suraǵan. M. onyń ótinishin oryndaýdan bas tartyp, aralarynda janjal týyndaǵan. Tóbeles barysynda R. balǵamen M.-niń samaıyna soqqy jasaǵan.
«Aýyr jaraqat alǵan M. Ekibastuz qalalyq aýrýhanasyna jetkizilgen», - dep málimdedi Pavlodar oblystyq soty Ekibastuz qalalyq sotynyń baspasóz qyzmetine silteme jasap.
Ekibastuz qalalyq soty qylmystyq isti QR QK-niń 106-babynyń («Densaýlyqqa qasaqana aýyr zııan keltirý») 1-bóligine sáıkes qarady.
Basty sot talqylaýynda aıyptalýshy kinásyn moıyndaǵan. Sot ony aıypty dep tanyp, úsh jyl alty aı merzimge bas bostandyǵyn shekteý jazasyn taǵaıyndady. Probatsııalyq baqylaý belgilendi.
Sot úkimi zańdy kúshine endi.
