Áriptesine pyshaq salǵan áskerı qyzmetker sottaldy
SEMEI. QazAqparat - Semeı garnızony áskerı soty áriptesine pyshaq suǵyp alǵan áskerı qyzmetkerge qatysty úkim shyǵardy, dep habarlaıdy QazAqparat.
Qylmystyq istiń materıaldaryna sáıkes, aǵymdaǵy jyldyń 15 mamyrynda saǵat 15.00 shamasynda qaladaǵy áskerı bólimderdiń birinde kelisim shart boıynsha jumys isteıtin qatardaǵy áskerı qzyzmetshiler arasynda janjal týyndaıdy. Sózge kelispegen eki jigittiń biri ekinshisiniń qursaq tusyna pyshaq suǵyp alady. Osylaısha áriptesiniń densaýlyǵyna aýyr zııan keltirgen.
Sot otyrysy barysynda taraptarmen mámile túrindegi kinásin moıyndaý týraly protsesstik kelisim jasaldy. Azamatqa QR QK 63 baby negizinde 4 jylǵa shartty túrde jaza taǵaıyndaldy.
«Sot úkimimen sottalýshy QR QK-niń 440 baby 3 bólimi 3,4 tarmaqtaryna sáıkes kináli dep tanylyp, ol 4 jyl bas bostandyǵynan aıyryldy»,-dedi Semeı garnızony áskerı sotynyń bas mamany Gúldana Jumataeva.
