"Áriptes" Konfederatsııasy Prezıdent ókilettigin 2020 jylǵa deıin uzartý boıynsha referendým ótkizýge qoldaý bildirdi
"Bizdiń pikirimizshe, referendým ótkizgen durys. Biz sońǵy 20 jylda jaqsy damyp kele jatyrmyz. Bizdiń reıtıngimiz dúnıejúzilik kólemmen alǵanda qazir "turaqty joǵary" satysyna kóterildi, ıaǵnı biz 9 satyǵa kóterildik. Bizdiń el qazir damyǵan memleketter qatarynda tur. Bizdiń aldymyzda "eń joǵary" AAA degen reıtıng qaldy. Osy oraıda atap ótetinim, TMD elderi ishinde kópshiligi D degen reıtıngte ómir súrip jatyr. Aldymyzda tek Reseı eli ǵana bar. Biraq, olar da bizden úırenip jatyr. Bizdiń reıtıg osyndaı joǵary dárejege jetip jatqanda Elbasymyzdy aýystyrmaýymyz kerek. Prezıdent áli elge, halqymyzǵa kóp jaqsylyq jasaı alady. Sol jaqsylyqty kórgen biz úshin baqyt. Joǵary reıtınge biz Elbasymen birge jettik, osy deńgeıimizdi saqtap qalý úshin, biz Prezıdentimizben birge taǵy on jyl eńbek etsek, úsh A-ǵa (AAA) jetpeı-aq qoıaıyq, A degen reıtıngke ósýimiz múmkin. Osy A reıtıngine jetsek, bizdiń elge mol qarjy quıylýy múmkin. Sebebi, dúnıejúziniń ınvestorlarynyń barlyǵy reıtıngke qaraıdy. Elimizde turaqtylyq bolsa, damý baǵyty durys júrse, memlekette tynyshtyq bolsa ınvestıtsııa aǵyp keledi. Biz sondyqtan elimizde turaqtylyqtyń bolǵandyǵyn qalaımyz",-dedi QR Kásipkerlik qaýymdastyǵynyń tóraǵasy Meırambek Baıgeldi.
Onyń aıtýynsha, el jaqsy jolmen damyp kele jatyr. "Memleket senimge turatyn elge aınaldy. Elimizde turaqtylyq bolǵandyqtan 300 mıllıard dollar qarjy quıylǵaly otyr. Qazir elimizge ınvestıtsııa salýshylar kóbeıdi. Ol óte qýantarlyq jaǵdaı",-dep atap ótti ol.
