Arına Krıýkova Ýnıversıada oıyndarynyń qola júldegeri boldy

ASTANA. KAZINFORM - Italııanyń Týrın qalasynda ótip jatqan XXXII qysqy Ýnıversıada oıyndarynda Arına Krıýkova bıatlonnan 7,5 shaqyrym qashyqtyqtaǵy sprınt saıysynan úshinshi keldi.

Ol el quramasy qorjynyna onynshy medaldi saldy.

Buǵan deıin áıelder arasyndaǵy básekeden 2017 jyly Almaty tórinde ótken qysqy Ýnıversıadada Galına Vıshnevskaıa men Alına Raıkova chempıon atanǵan bolatyn. 

Sondaı-aq, búgin qazaqstandyq sportshylar arasynan bıatlonnan 10 shaqyrymdyq sprınt jarysynda Nıkıta Akımov oq atýdan múlt ketpeı, máre syzyǵyn birinshi bolyp 23:34.1 mınýtta qıyp ótti. Osylaısha Ýnıversıada chempıony atandy.

Eske salsaq, 18 qańtarǵa deıin qazaqstandyq sportshylar medaldar kestesinde eki altyn, tórt kúmis, eki qolamen ekinshi orynda turǵan di. El quramasy qorjynyna qos altyndy frıstaılshy Anastasııa Gorodko saldy.

Al Aıaýlym Ámrenova men Anton Bondarev (ekeýi de frıstaıl juptyq-mogýl) jáne Denıs Zınov eki márte (parashańǵy, 10 shaqyrym, 1400 metr sprınt) kúmis, Roman Qurbanov eki márte (parashańǵy, 10 shaqyrym, 1400 metr sprınt) qola medal aldy.