Aryqtatatyn qospalar qaýipsiz be — sarapshy pikiri
ASTANA. KAZINFORM — Áleýmettik jelilerde «esh dıetasyz aryqtatatyn», «jyldam nátıje beretin» bıologııalyq belsendi qospalarǵa qatysty jarnama jıilep ketti.
Alaıda mundaı ónimderdiń artynda naqty ǵylymı dálel bar ma, álde bul marketıngtik tásil me degen suraq qoǵamda jıi kóteriledi. Oǵan QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń bas sarapshysy Danagúl Qasqataeva jaýap berdi.
Mamannyń aıtýynsha, bıologııalyq belsendi qospalar naryǵy memleket tarapynan qatań baqylaýda. Árbir ónim naryqqa shyǵar aldynda mindetti túrde sanıtarııalyq-epıdemıologııalyq tekseristen ótedi. Sonymen qatar áleýmettik jelilerdegi jarnamalar da turaqty baqylaýda.
— Elimizde bıologııalyq belsendi qospalar naryǵy mınıstrlikke qarasty Sanıtarııalyq-epıdemıologııalyq baqylaý komıtetiniń quzyrynda. ıAǵnı kez kelgen ónim naryqqa shyǵar aldynda belgili bir tekseristen ótýi tıis. Áleýmettik jelilerdegi jarnama da baqylaýda. Máselen, 2 aıdyń ishinde 877 profılde kýáliksiz satylǵan bıologııalyq belsendi qospalar anyqtaldy. Olarǵa tıisti nusqamalar jiberildi. Eger talap oryndalmasa, Mádenıet jáne aqparat mınıstrligimen olardyń saıty buǵattalady, — dedi Danagúl Qasqataeva Jibek Joly telearnasynyń «Búgin Live» baǵdarlamasynda.
Sondaı-aq sarapshy ónimderdiń qaýipsizdigin rastaıtyn qujattardy tekserýdiń mańyzyn erekshe atap ótti.
— Keden odaǵyna kiretin 5 memleketten árbir ónim tekserissiz kiredi. Biraq olardyń sapasy men qaýipsizdigine qatysty qujattary qaralady. Derekterge súıensek, 200-den astam ónim óndirýshilerdiń jalǵan qujattary anyqtalǵan. Mundaı jaǵdaıda 3 aı boıy kúsheıtilgen zerthanalyq jumystar júrgiziledi. Eger olqylyq qaıtalansa, ónim ishki naryqqa jiberilmeıdi, — dedi sarapshy.
Maman memlekettik tirkeýden ótken ónimderdiń tizimi mınıstrlik saıtynda qoljetimdi ekenin de eske saldy. Degenmen ol bıologııalyq belsendi qospalardyń dári emes ekenin, sondyqtan olardy emdik qural retinde qabyldaýǵa bolmaıtynyn qatań eskertedi.
— Belgili adamdar osyndaı ónimderge jarnama jasap jatady. Myń aýrýdyń emine balaıdy. Alaıda jaltyraǵan jarnamaǵa umtylmaý kerek, — dedi ol.
Aıta keteıik, elimizde medıtsınalyq bilim berý 7 jyldyq oqýǵa kóshirilmek.
