Arıel Sharon 13 qańtarda marqum jarynyń janyna jerlenedi
ASTANA. 12 qańtar. QazAqparat - Izraıldiń burynǵy premer-mınıstri Arıel Sharon 2000 jyly qaıtys bolǵan óziniń ómirlik jary Lılıdiń janyna jerlenbek, dep habarlaıdy RBK jergilikti telearnalarǵa silteme jasap.
A.Sharon 8 jyl boıy komada jatqan Haım Shıba atyndaǵy medıtsınalyq ortalyqta 85 jasynda qaıtys boldy. 2006 jyly A. Sharon júregi syr berip, saıası qyzmetin toqtatqan bolatyn. Sol jyldyń qańtar aıynda ol júrek talmasyna túsip, segiz jyl boıy komada jatty. Sol ýaqyttyń bárinde ol jasandy tynys alý apparatyna qosylyp turdy. Osydan birneshe apta buryn dárigerler onyń jaǵdaıynyń tym nasharlap ketkenin, ómiri qyl ústinde jatqanyn aıtyp, jaqyn-týǵandaryn eskertken bolatyn.
