Arhıv qujattary latyn əlipbıine aýystyrylmaıdy

ALMATY. QazAqparat - Ortalyq memlekettik arhıvtegi tarıhı qujattar latyn grafıkasyna túsirilmeıdi. Bul týraly memlekettik mekemeniń basshysy Abzal Botanov ujymmen ótken jınalysta aıtty, dep habarlaıdy QazAqparat tilshisi.

Mundaı sheshim  Memleket basshysynyń latyn álipbıine kóshý týraly usynysyn talqylaý barysynda biraýyzdan qabyldanǵan.

«Arhıvte saqtalyp kelgen qujattar latyn álipbıine aýystyrylmaıdy. Meniń oıymsha buǵan qajettilik týyp turǵan joq. Kırıllıtsa qarpi báribir umytylmaıdy. Sonymen qatar, munda mıllıonnan astam qujat bar. Ondaı úlken qazynany latyn álipbıine aýdarý úlken shyǵyndy talap etedi», - dedi mekeme dırektory Abzal Botanov.

Alaıda, onyń aıtýynsha, bolashaqta arhıvke túsetin qujattar latyn álipbıinde jazylady.

«Bizde latyn álipbıinde saqtalǵan qujattar da bar. Ótken ǵasyrdyń 30-40 jyldaryndaǵy qujattar kóbine latyn qarpinde jazylǵan. Dál osy ýaqytta latyn álipbıi engizilgen. Biz bul reformany bastan ótkizgenbiz. Sondyqtan, asa qıyndyq týǵyzbaıdy dep oılaımyn», - dedi ol.

Aıta ketý kerek, mundaı dóńgelek ústel Memleket basshysy Nursultan Nazarbaevtyń «Bolashaqqa baǵdar: rýhanı jańǵyrý» maqalasyndaǵy mindetter men tapsyrmalardy júzege asyrý maqsatynda uıymdastyryldy.

9 qazanda Aqordada Memleket basshysy Nursultan Nazarbaev memlekettik tildi latyn álipbıine kóshirý jobasy boıynsha jumys tobynyń múshelerin qabyldaǵan bolatyn. Onda Elbasyna qoǵamdyq talqylaýlar barysynda kelip túsken usynystardy eskere otyryp ázirlengen qazaq tiliniń latyn qarpine negizdelgen biryńǵaı standartynyń jobasy usynyldy.