Arhımed Muhambetov jas ánshi Erjan Maksımge «Jas órken» syılyǵyn tapsyrdy
QOSTANAI. QazAqparat - Qostanaıda respýblıkalyq daryndy balalarǵa arnalǵan «Jas órken» syılyǵy tapsyryldy, dep habarlaıdy QazAqparat.
Reseılik «Golos Detı» baıqaýynyń fınalısi Erjan Maksım Qostanaı oblysynyń ákimi Arhımed Muhambetovtiń qolynan «Jas Órken» syılyǵyn aldy.
«Erjan Maksım -bizdiń jas juldyzymyz. Bul sózdi QHA kezekti sessıasynda ataqty Álibek Dinishevtiń ózi aıtty. Rasymen, Erjandy qazaqtyń álemdik deńgeıdegi ártisi dep esepteýge bolady. Oǵan Dımashtyń jolyn bersin dep tileımin»,- dedi oblys basshysy.
Erjan Maksım «Jas órken» syılyǵynyń «Jyl qalaýy» atalymynda jeńimpaz dep tanyldy. Sharanyń uıymdastyrýshylarynyń biri Álibek Baıneshovtiń sózinshe, mundaı sheshimge qoǵam belsendileri túrtki bolǵan. Áleýmettik jelilerde júrgizilgen saýalnamalardyń nátıjesinde, Erjandy bul syılyqqa halyqtyń 91 paıyzy usynǵan.
Sonymen qatar jas ánshige Bilim jáne ǵylym mınıstriniń keńesshisi Raısa Sher alǵys hat tapsyrdy.
Búgin Erjannan bólek «Jas órken» syılyǵy «Jas zertteýshi», «Jas daryn», «Jas tolaǵaı», «Jas patrıot», «Jas ekolog», «Jas qanat», «Jas bıshi», «Jas qalam», «Jas bloger», «Úzdik erikti» «Jas aqyn», «Jas sýretshi», «Jas mýzykant» jáne taǵy basqa nomınatsııalar boıynsha jas daryndarynǵa berildi. Bıyl 14 nomınatsııa boıynsha respýblıkadan 300-ge jýyq ótinish kelip túsken.
