Arhımed Muhambetov Úkimet basshysyna «KamAZ» kompanııasynyń jobalaryn tanystyrdy
QOSTANAI. QazAqparat - Úkimet basshysyna «KamAZ» kompanııasynyń Qostanaıdaǵy ınvestıtsııalyq jobalary tanystyryldy, dep habarlaıdy QazAqparat.
Bıyl Qazaqstan men Reseı Federatsııasy arasyndaǵy óndiristik kooperatsııany damytý aıasynda «KamAZ» kóligi bólshekterin shyǵarý boıynsha birqatar jobalar iske qosyldy. Qazaqstan tarapynan seriktes bolyp «AgromashHoldıng KZ» AQ tańdaldy. Kompanııaǵa Qostanaıdaǵy Indýstrıaldy aımaq aýmaǵynan 31 ga jer kólemi bólingen.
«Aımaqqa «KamAZ» arnaıy tehnıkasy redýktorlaryn shyǵaratyn eki nysan ornalasatyn bolady. Al «AgromashHoldıng KZ» AQ zaýytynda qosymsha qondyrǵylar, usaq bólshekter óndirisi ashylady. Sonymen qatar, bul jobalardy bilikti kadrlarmen qamtamasyz etý úshin ǵylymı ortalyq ashamyz. Jalpy barlyq jobany júzege asyrýǵa shamamen 400 mıllıon AQSh dollary kóleminde ınvestıtsııa salý josparlanýda», - dedi Arhımed Muhambetov Qostanaıdaǵy avtokólik zaýytynda ótken májiliste.
Osy jumystardyń nátıjesinde oblysta 4 myń turaqty jumys orny ashylmaq. Jylyna mundaı 5 000 avtobólshek shyǵarylady dep kútilýde. Avtobólshekterdiń (tejegish qalyptar, oryndyqtar, elektr suıyltqysh, rezeńke jáne plastıkalyq buıymdar) deni qostanaılyq zaýytqa tıesili.
«Indýstrııalyq aımaqta jylyna 86 myń kólik redýktory paıdalanýǵa beriledi. Onyń kólemi aldaǵy jyldarda 180 myńǵa deıin jetedi. Ónimniń 95%-y eksportqa jóneltiletin bolady» , - dedi oblys basshysy.
Eske salsaq, búgin QR Premer-Mınıstri Asqar Mamın Qostanaı oblysyna jumys saparymen keldi.
