Arhımed Muhambetov tehnıkalardyń qysqa daıyndyǵyn tekserdi
QOSTANAI. QazAqparat - Qostanaı oblysynyń əkimi Arhımed Muhambetov qysqy maýsymǵa daıyndyqty pysyqtaý úshin birqatar kásiporynǵa bas suqty, dep habarlaıdy QazAqparat tilshisi.
Óńir basshysy barǵan nysandardyń biri - «Astyq» elevator zaýyty. Elevator bıylǵy jyly 20 kelisimshart jasaǵan. Olardyń kóbi astyqty qabyldaý-jetkizý, temirjol arqyly konteınermen jóneltý sııaqty qyzmetter úshin jasalǵan. Búginge deıin «Astyq» zaýyty 600 mln teńgeniń ónimin shyǵarǵan. Onda 25 adam jumys isteıdi. JShS basshysy Danııar Kúzenbaev jaqynda jańa tsehtardyń ashylatyny jóninde aıtty. Degenmen jańa tsehtarǵa stanoktar jetispeýi múmkin.
«Metall Qaraǵandydan əkelinedi. Keıde Reseıden satyp alamyz. Neǵurlym arzan əri sapaly jaǵyn qarastyramyz», - dep jaýap berdi oblys ákiminiń saýalyna D.Kúzenbaev.
Qysqa daıyndyq kúıi tekserilgen kelesi kásiporyn - «TazaJol» JShS. Jaýapkershiligi shekteýli seriktestik arnaıy tehnıkalardy satyp alý úshin 117 mln teńge jumsaǵan.
«60 mln teńgeni memlekettik-jekemenshik əriptestik aıasynda aldyq. 2015-2016 jyldary tehnıkalardyń jetispeýinen jumysymyz turalap qalyp jatty. Bıyldan bastap reagentter qoldana bastadyq. Sol sebepti de apattyq jaǵdaılar azaıyp, kóshelerge sən keldi», - dedi «TazaJol» JShS basshysynyń orynbasary Əmirbek Zalıev.
Oblys əkimi 2016-2017 jyldary 454 mln teńgege 35 tehnıka satyp alynǵanyn atap ótti.
«Qysqa daıyndyqty bir pysyqtańyzdar. Qala úlkeıip keledi. Severnyı, ıÝbıleınyı, Arman sııaqty shaǵyn aýdandar boı kóterdi. Aldaǵy ýaqytta taǵy 15-20 tehnıka alýǵa múmkindik bar. Bastysy, sapaǵa kóńil aýdaryńyzdar» - dedi Arhımed Muhambetov.
Sondaı-aq oblys əkimi «ABZ+» jəne «Veskor» kásiporyndaryna bas suqty. «ABZ+» JShS eki jyl ishinde nebəri 14 qysqy tehnıkaǵa qol jetkizgen. Arhımed Muhambetov seriktestik basshysyna taǵy da eki arnaıy tehnıka satyp alýdy tapsyrdy.
Jyl basynan beri Qostanaıda 40 kóshe jóndelgen. Oǵan bıýdjetten 5,4 mlrd teńge bólindi. Kóshe jóndeý jumystaryna tikeleı jaýap beretin «Veskor» JShS basshysy Sergeı Evstafevtiń aıtýynsha, qazirdiń ózinde 12 tehnıka qysqa daıyn tur.
Aımaq basshysy «Qostanaı aýlalary» baǵdarlamasynyń iske qosylǵanyn tilge tıek etip, onyń aıasynda búgingi kúni 350 mln teńgege 82 aýla abattandyrylǵanyn atap ótti.
