Arhımed Muhambetov: Oblysta azyq-túlik tapshylyǵy joq

QOSTANAI. QazAqparat – Bugin Arhımed Muhambetov Qostanaı qalasynyń birqatar áleýmettik nysandaryn aralady. Aımaq basshysy bul týraly Instagram paraqshasynda jazdy, dep habarlaıdy QazAqparat.

Oblys basshysy un shyǵaratyn «Asalııa» seriktestigine baryp, jumys barysymen tanysty. Atalmysh kásiporynda astyqty óńdeýdiń óndiristik qýaty táýligine 600 tonnany quraıdy. Qazirgi ýaqytta 4.5 myń tonna astyq qory bar. Arhımed Muhambetov un shıkizatyn belsendi satyp alýǵa jáne qajetti qorlardy saqtaýǵa shaqyrdy.

«Apelsın», «Solnechnyı» jáne «Rauzet» gıpermarketterinde boldym. Saýda sórelerin qarap, taýarlardyń baǵasyn tekserdim. Áleýmettik mańyzy bar azyq-túlik tapshylyǵy joq. Budan ári, 59 dárihanaǵa baryp, ol jerde dárihana basshylarymen kezdesý ótkizdim. Apta sońynda oblysta medıtsınalyq maskalar túsimi bolady. Sonymen qatar, dárihana dırektorlaryna birinshi kezekte qajetti dári-dármek qory bolýyn usyndym», - dep jazdy Arhımed Muhambetov.

Arhımed Muhambetov «Bolshevıchka» óndiristik kooperatıviniń tigin óndirisine baryp, birqatar tapsyrma berdi. Tigin fabrıkasy 10 myńǵa deıin medıtsınalyq maskalar tigýge qaýqarly. Maskalar dárihanalyq jeliler arqyly halyqqa jetedi. Buǵan qosa emdeý mekemelerine qajetti qorǵanys medıtsınalyq kostıýmderin tigýge suranys túsken. Fabrıka basshylyǵy 4 myń medıtsınalyq kostıýmdi 1 apta ishinde tigýge daıyn ekenin jetkizdi.