Arhımed Muhambetov: Monıtorıng toptarynyń jumysyn kúsheıtemiz

QOSTANAI.QazAqparat – Búgin koronavırýs ınfektsııasynyń taralýyna jol bermeý boıynsha jedel shtabtyń kezekti otyrysy ótti. Bul týraly oblys ákimi Arhımed Muhambetov áleýmettik jelide jazdy, dep habarlaıdy QazAqparat.

Keńes barysynda oblys basshysyna Qostanaı, Lısakov, Arqalyq, Rýdnyı qalalary jáne Qostanaı, Qarabalyq, Jitiqara aýdandary ákimderiniń esebi baıandaldy. Aýdan ákimderi koronavırýs ınfektsııasynyń taralýyna jol bermeý jónindegi aǵymdaǵy jaǵdaı jáne karantın rejımin saqtaý jónindegi monıtorıngtik toptardyń jumysy týraly aıtty.

«Shtab músheleri ákimderdiń usynystaryn eskere otyryp, 12 qarasha saǵat 00.00-den bastap, kórshiles oblystardyń shekarasyna sanıtarlyq beketter ornatý týraly sheshim qabyldady. Sonymen qatar monıtorıngtik toptardyń jumysy kúsheıtiletin bolady. Halyq jáne kásipkerlik sýbektileri arasynda áleýmettik jeliler arqyly belsendi aqparattyq-túsindirý jumystaryn júrgizýdi tapsyrdym», - dep jazdy óńir ákimi Instagram paraqshasynda.