Arhımed Muhambetov Qostanaı qalasynyń bas josparyna ózgeris engizýdi usyndy
QOSTANAI. QazAqparat - Oblys ákimi Arhımed Muhambetov Qostanaı qalasynyń bas josparyna ózgeris engizýdi usyndy, dep habarlaıdy «QazAqparat» HAA tilshisi.
Qostanaı qalasynyń ákimi Bazyl Jaqypovtyń aıtýynsha, qalalyq ákimdik Smart City kontseptsııasy boıynsha «Qostanaı - aqyldy qala» jobasyn ázirleýde.
«Atalǵan joba birneshe ınteraktıvti karta men syzbadan turady. Bul arnaıy belgiler qalanyń ár nysanyn aıqyndaýǵa múmkindik beredi. Joba eki jylǵa shaqtalǵan. Bıyl buǵan 200 mln teńge bólindi», - dedi qala ákimi.
Oblys ákimi Arhımed Muhambetov Qostanaı qalasynyń bas josparyna ózgeris engizýdi usyndy.
«Qazirgi bas jospar eskirgen. Qostanaı qalasynyń bolashaǵy onyń bas josparynyń durys jasalýynan kórinedi. Qaı baǵyt boıynsha jumys isteımiz? Sony anyqtaý qajet. «Áýejaı» shaǵynaýdanyn aıaqtadyq. Endi qala irgesinen «ıÝbıleınyı» móltek aýdany oryn teppek. Sondyqtan, qalada salynyp jatqan jańa nysandar, óndiristik aımaq, shetkeri jatqan qurylys aımaqtary bas josparǵa enýi tıis», - dep tapsyrdy Arhımed Muhambetov.
Ákimniń aıtýynsha, qala aýmaǵynda turǵyn úı qurylysyna bólingen jerler jetkiliksiz.
«Biz 2009 jyldyń 3 qarashasynda Úkimet bekitken jospardy tolyqtaı oryndadyq. Endi bas josparǵa ózgerister engizý úshin shamamen 1 mlrd teńge jumsalady. Qala shekarasyn soltústik-batysqa qaraı sozýdy oılastyryp otyrmyz», - dedi qala ákimi.
