Arhımed Muhambetov koronavırýstan qorǵanýdyń negizgi 5 erejesin eske saldy
QOSTANAI. QazAqparat – Búgin koronavırýs ınfektsııasynyń taralýyna jol bermeý jónindegi jedel shtabtyń otyrysynda Qostanaı oblysynyń ákimi Arhımed Muhambetov indetten qorǵanýdyń erejelerin aıtty, dep habarlaıdy QazAqparat.
«Turǵyndarǵa taǵy da málimdeme jasaǵym keledi. Qazir karantın shekteýlerin jeńildetip jatyrmyz. Biraq, vırýstan qorǵanýdyń bes «altyn» erejesi áli kúshinde. Bul týraly dárigerler de únemi aıtyp keledi. Birinshisi – qashyqtyqty saqtaý. Qasyńdaǵy adamnan kem degende 2 metr qashyqta júrý, úıden retsiz shyqpaýǵa jáne adamdar kóp jınalatyn jerlerge barmaýǵa tyrysý. Ekinshisi – jeke gıgıena talaptaryn buljytpaı oryndaý. Úshinshiden kózdi, qulaqty, betti, erindi ustamaý kerek», - dedi oblys ákimi.
Arhımed Muhambetovtiń aıtýynsha, tórtinshi ereje – maska taǵyp júrý. Sebebi vırýs taratýshylar kóshede, qoǵamdyq oryndarda bolýy múmkin.
Qostanaı ákiminiń besinshi keńesi – túshkirý jáne jótelý erejesin saqtaý.
