Arhımed Muhambetov Instagram áleýmettik jelisine tirkeldi
Oblys basshysy jelidegi alǵashqy jazbasynda turǵyndardy ashyq dıalog qurýǵa shaqyrdy.
«Qurmetti Qostanaı oblysynyń turǵyndary men qonaqtary! Halyqpen ózara is-qımyldyń jańa formatyna kire otyryp, men Instagram áleýmettik jelisine tirkeldim. Áleýmettik jeli turǵyndarmen ashyq jáne tikeleı qarym-qatynas jasaýǵa óte yńǵaıly. Meniń oıymsha, biz oqyrmandarmen birge bizdiń oblystyń odan ári damý perspektıvalaryn talqylaýǵa baǵyttalǵan, sondaı-aq óńirdiń ózekti máselelerin sheshýge yqpal etetin syndarly dıalogty jolǵa qoıamyz», - delingen Arhımed Muhambetovtiń jazbasynda.
Eske salsaq, 2019 jylǵy 27 naýryz kúni iri qalalar men óńir ákimderi qatysqan keńeste Prezıdent Qasym-Jomart Toqaev ákimderge halyqpen ózara yqpaldastyqtyń jańa formatyn damytyp, áleýmettik jelilerde belsendi bolýyn tapsyrǵan edi. Osydan soń biraz ákim áleýmettik jeli arqyly halyqpen baılanysty jolǵa qoıǵan bolatyn.
