Arhımed Muhambetov balalar úıine tosynsyı jasady

QOSTANAI.QazAqparat – Qostanaı oblysynyń ákimi Arhımed Muhambetov otbasylyq úlgidegi «Januıa» balalar úıiniń tárbıelenýshilerin jańa jyl merekesimen quttyqtady, dep habarlaıdy QazAqparat tilshisi.

Arhımed Muhambetov «Januıa» tárbıelenýshilerine 20 shana syıǵa tartty. Bul balalardyń qysqy demalysyna tosynsyı boldy deıdi tárbıeshiler. Jalpy otbasylyq úlgidegi balalar úıinde ata-anasynyń qamqorlyǵynsyz qalǵan 45 bala tárbıelenedi.

«Barshańyzdy kele jatqan Jańa jylmen quttyqtaımyn! Balalar baqytty bolsyn! Osyndaı keremet syılyq jasap, árqashan bizge qamqor bolǵany úshin Arhımed Begejanulyna alǵysymyz sheksiz. Bizdiń balalarymyz óńirlik jáne respýblıkalyq onlaın konkýrstar men jarystarǵa qatysyp, júldeger boldy. Kelesi jyly da oqýdaǵy jáne sporttaǵy jetistiktigimen qýantatyn bolamyz», deıdi balalar úıiniń dırektory Aınash Jaqanova.