Arhımed Muhambetov balalar úıine 5 mln teńgeniń sertıfıkatyn syılady
Arhımed Muhambetov balalardy Elbasynyń tapsyrmasymen quttyqtaı kelgenin jetkizdi.
«Esterińizde bolsa, qarasha aıynda Nursultan Ábishuly bizdiń oblysqa jasaǵan issapary barysynda balalar úıine arnaıy keldi. Elbasy maǵan sizderdi quttyqtap, syılyqtar berýimdi tapsyrdy. Biz bul joly sizderge sport quraldary men noýtbýktar syılaımyz», - dedi aımaq basshysy.
Arhımed Muhambetov balalar úıine sport jabdyqtary men 12 noýtbýk satyp alý úshin 5 mln teńgeniń sertıfıkatyn tabys etti. Buǵan qosa jergilikti kásipkerler balalar úıine 500 myń teńge qarjy aýdardy.
Munan soń oblys ákimi Rýdnyı qalasyndaǵy mektep-ınternatyna baryp, oqýshylardy Jańa jylmen quttyqtady.
«Biz sizdermen Jańa jyl qarsańynda kezdesýdi dástúrge aınaldyrdyq. Sizderdiń jetistikterińiz týraly estip-bilip otyramyn. Bıylǵy jyldy da sátti aıaqtadyńyzdar. Oblystyq jarystardan júldeli oryndardan kórindińizder. Eń bastysy, mektepte sheberlik synyptary, úıirmeler ashyldy. Bul ózderińizdi jan-jaqty damytýǵa kómektesedi», - dedi oblys ákimi.
Mektep-ınternattyń oqýshylary da jańa jyldyq syılyqtarǵa ıe boldy. Olarǵa mýzykalyq apparat alý úshin 2,5 mln teńgeniń sertıfıkaty tapsyryldy. Munymen qatar 10 kompıýter satyp alynady.
