Arhımed Muhambetov: Astyqty tıimdi satýdyń joldaryn qarastyrý kerek
QOSTANAI. QazAqparat - Qostanaı oblysynda astyq naýqany aıaqtalyp qaldy. Bul týraly oblys ákimi Arhımed Muhambetov barlyq deńgeıdegi ákimderdiń qatysýymen ótken keńeıtilgen májiliste aıtty, dep habarlaıdy QazAqparat.
Oblys ákiminiń sózine qaraǵanda, qazirdiń ózinde qajetti astyq kólemi qambaǵa quıyldy.
«Eki kúnnen soń egis jınaý kampanııasy jabylady. Maǵan berilgen málimet boıynsha, endi 10 myń gektar bıdaı jáne 80 myń gektar maıly daqyldar jınaý qajet. Astyq kólemi bıyl az bolǵanymen, satý baǵasy ósti. Sondyqtan bıdaıdy tıimdi satýdyń joldaryn qarastyryńyzdar", - dedi Arhımed Muhambetov.
Bıyl astyqtyń ortasha shyǵymy gektaryna 11,3 tsentnerden aınaldy. Egis alqabynyń 89 paıyzyna joǵary surypty tuqymdar sebilgen. Aıta keteıik, dıqandar aldyn-ala belgilengen jospardan sál kesheýildedi. Byltyr osy kezeńde 5,2 mln gektardyń egini orylyp, bastyrylǵan bolatyn.
Egis naýqanyna baılanysty óńirge 71 myń tonna dızeldik otyn jetkizildi. Dala jumystaryna barlyǵy 23 myńǵa tarta traktor, 9,6 myń kombaın, 840 egin sebetin keshendi tehnıka, 1 myń búrikkish, 22 myń tuqym sepkish tehnıkalar jumyldyryldy.
Aıta keteıik, qazirgi ýaqytta aýyl sharýashylyǵy ónimderin óndirýshi 14 mln 861,7 myń gektar nemese óńirlerdegi jalpy astyq alqaptarynyń 98,7%-ynda astyq orylyp, bastyryldy.
