Arheologtar Túrkııada 2 myń jyldyq tarıhy bar úıdi tapty

DENIZLI. QazAqparat - Túrkııanyń Denızlı provıntsııasynyń Býldan aýdanyndaǵy Trıpolıs atty qalasynda ellınızm kezeńindegi vılla tabyldy. Bul úı shamamen osydan 2 myń jyl buryn salynǵan, dep habarlaıdy QazAqparat «Anadolý» agenttigine silteme jasap. 

Qazba jumystarynyń jetekshisi Pamýkkale ýnıversıtetiniń arheologııa kafedrasynyń professory Bahadyr Dýman Trıpolıs qalasynda qazba jumystarynyń 6 jyldan beri júrgizilip jatqandyǵyn aıtty. Qazba jumystarynyń barysynda osyǵan deıin eni 5 metr jáne uzyndyǵy 45 metr bolatyn jol tabylǵan.


Onyń sózinshe, tabylǵan nysandarda qazir restavratsııa jumystary júrip jatyr.


«Qazba jumystary kezinde tabylǵan vılla Aleksandr Makedonskıı qaza bolǵan kezden bastap Rım bıligi ornaǵan kezeńge deıingi aralyqty qamtıtyn kóne ellınızm - Jerorta teńizi tarıhy kezeńine jatady. Úı ıesi boljam boıynsha, saýdager bolǵan. Úıdiń káriz júıeleri buzylmaı sol kúıinde saqtalǵan. Onda úlken jýynatyn bólme, zal, jatyn bólme, balalar bólmesi men jumys kabıneti bar»,-deıdi Bahadyr Dýman.
Sondaı-aq úı 12 bólmeden turady.