Arheologtar tisteri áshekeılengen bassúıek tapty
ASTANA. QazAqparat - Meksıkadaǵy ejelgi Teotıýakan qalasynyń mańyna qazba jumystaryn júrgizý kezinde arheologtar tisteri mıneraldy tastarmen áshekeılengen áıel bassúıegin tapty, dep habarlaıdy mir24.tv.
Zertteýshilerdiń aıtýynsha, bul olja maııa órkenıeti ókilderiniń tis protezdeýdi jaqsy bilgenin kýálandyrady. Bassúıektiń astyńǵy jaǵynan serpentın tasynan daıyndalǵan tis protezi tabylǵan. Aldyńǵy eki tisine dóńgelek formadaǵy pırıt tasy ornatylǵan. Bul mıneral quramynda temir óte kóp. Nemese tastardyń sándik qyzmet atqarýy da múmkin.
Arheologtardyń boljaýynsha, bassúıek ıesi áıel jáne ol shamamen 40 jasynda qaıtys bolǵan.
