Arheologtar Shyńǵyshannyń qabirin tabýy múmkin
ASTANA. QazAqparat - HHI ǵasyrda arheologtar jańa tehnologııalardyń kómegimen kóptegen tarıhı suraqtarǵa jaýap bere alady. Mundaı pikirdi National Geographic jornalyna bergen suhbatynda belgili amerıkalyq arheolog Fredrık Hıbert aıtty, dep jazdy TASS.
«Optıkalyq dıapazondaǵy qashyqtyqty ólsheıtin qurylǵy arheologtarǵa ǵylymǵa belgisiz Gondýras jáne Belız syndy kóne eldi mekenderdi tabýǵa múmkindik beredi», - dep sanaıdy ol. Georadarlardy qoldaný arqyly jerdi qazbaı-aq ótken ǵasyrlardaǵy eskertkishterdi izdeýge bolady.Osy joba aıasynda Shyńǵyshannyń qabiri izdestirilip jatqanyn aıtty.
«Ázirge ony tapqan joqpyz. Alaıda anaǵurlyq kóp aýmaqty teksersek, Shyńǵyshan nemese Aleksandr Makedonskııdiń mazaryn tabý múmkindigi artady»,- dedi arheolog.
Arheologtar Sıanǵa jaqyn jerde alǵashqy qytaı ımperatory Tsın Shıhýandıdiń (b.z.d. 259 j. - b.z.d. 210 j.) molasy qaı jerde ornalasqanyn biledi. Alaıda ony buzyp alýdan qorqyp, qazbaı otyr.
Sondaı-aq bıyl bıik jerden ǵana kórinetin Naska shólindegi alyp sýretterdiń qupııasy ashylady degen boljam bar.
