Arheologtar «Romeo men Djýlettanyń» premerasy bolǵan sahnany tapty
ASTANA. 8 maýsym. QazAqparat - Brıtandyq arheologtar Londonda sahna alańynyń irgetasy men aǵashtan jasalǵan «Zanaves» (Surtain) sahnasyn tapty, ol jerde «Romeo men Djýlettanyń» jáne Ýılıam Shekspırdiń «Genrıh V» tarıhı pesasynyń
premerasy bolǵan. Bul týraly baq.kz jazady.
Ańyzǵa aınalǵan shekspırlik «Globýs» (1599 jyl) teatrynan da buryn, 1577 jyly turǵyzylǵan «Zanavestiń» qaldyqtary Temzanyń soltústigindegi Shoredıtch aýdanynda tabylǵan.
«Zanaves» brıtan astanasyndaǵy ataýy joq, tek qana Teatr» (The Theatre) dep atalǵan alǵashqy teatrlardyń biriniń qasynda ornalasty. Onda uly aǵylshyn dramatýrgi alǵash ret «Slýgı lorda-kamergera» trýppasymen birlese jumys isteı bastady.
«Teatr» basshylyǵymen kelise almaǵan Shekspır trýppasy óziniń «Globýs» dep atalatyn teatrynyń ǵımaratyn sala bastady. Al ázirshe jumystar júrgizile bastaǵanda, ol óz spektaklderin 1597-1599 jyldary «Zanaveste» kórsete bastady, onyń ishinde «Romeo men Djýlettanyń» jáne «Genrıh V» spektaklderiniń alǵashqy qoıylymdary bar.
London arheologtarynyń bul jańalyǵyn «Atap ótýge turarlyq keremet oqıǵa» dep baǵalady «Globýs» teatrynyń qazirgi jańasha nusqasynyń atqarýshy dırektory Neıl Konstebl.
Konstebl aıtqandaı, bul jańalyq Shekspırdiń teatrlyq shyǵarmashylyǵynyń protsesin tanýǵa kómektesedi, bul ólmeıtin, óshpeıtin mura óz otany men shetelderde áli de qundylyǵyn joımaǵan.
