Arheologtar Rımde ıÝlıı Tsezar óltirilgen jerdi anyqtady
ASTANA. 21 qazan. QazAqparat - Ispandyq arheologtar Rımdegi Torre Ardjentına alańyn qazý barysynda bizdiń zamanymyzǵa deıingi 44-jyly qastandyq jasaýshylardyń qolynan qaza tapqan Gaı ıÝlıı Tsezardyń óltirilgen jerin tapty, dep habarlady in-dies.info saıty.
«Biz jańa jyl sanaýymyzǵa deıingi 44-jyldyń 15 naýryzynda ıÝlıı Tsezardyń Pompeı kýrııasynda óltirilgenin bilemiz, alaıda keskindeme men kınoda beınelengen bul oqıǵa jaıly zattaı dálelimiz bolmady», - dedi ıspandyq zertteý ortalyǵynan Antonıo Monterrozo.
Keıde Senat otyrystary ótken Pompeı kýrııasy Rımniń alǵashqy tastan salynǵan teatry - Mars alańynda Pompeı teatrynyń qasyna ornalasqan. Qazirgi kezde bul keshen Torre Ardjentına alańyn arehologııalyq qazý aımaǵyna kiredi.
Monterrozonyń aıtýynsha, ol arheologttar tobymen birge uzyndyǵy úsh te eki metrlik tsement taqtany tapqan. Bul sirá, Tsezardyń nemeresi Oktavıan Avgýst ańyzǵa aınalǵan Rım respýblıkasynyń dıktatory óltirilgen jerge qoıǵan belgi bolýy múmkin.
Ispandyq arheologtardyń pkirinshe, bul jańalyq Tsezardy qastandyq jasaýshylar Senat tóraǵasynyń kreslosynda otyrǵan kezde Pompeı kýrııasynyń tómengi jaǵyndaǵy ortalyqta óltirgenin qýattaıdy.
