Arheologtar Mysyr eliniń taǵy bir ǵajaıyp qupııasyn ashty
ASTANA. QazAqparat - Nemis arhelogtarynyń toby mysyrlyq áriptesterimen birge Memnon kolosstarynyń qaldyqtaryn tapty.
Músin synyqtaryn zertteý qorytyndysyna qaraǵanda, bular b. e. d. 27 jyly bolǵan qýatty jer silkinisi saldarynan jartylaı qıraǵan soltústik Fıvy músininiń bir bóligi, dep habarlaıdy «Ál-Arabııa» telearnasy.
Aıta keter bolsaq, Memnon kolosstary - alyp músinder. Amenhotep ІІІ perǵaýynnyń bıligi kezinde turǵyzylǵan, patshalar beınelengen, keıin perǵaýynnyń ózi jerlengen záýlim ǵıbadathana. Kolosstar qorǵaýyndaǵy 35 gektar jerdi alyp jatqan Amenhotep ІІІ kesheni óz ýaqytynda asa záýlim ári biregeı mádenı ortalyqqa aınalǵan. Músinderdiń bıiktigi 19 metr, al árqaısysynyń salmaǵy 700 tonnadan astam bolǵan.
