Arheologtar Mysyrda 4500 jyl burynǵy qabirden qazyna tapty
12 qańtarda Mysyrdyń Memfıs qalasynda ornalasqan Sakkara qorymynan ejelgi dáýirge tıesili qundy qazynalar men sarkofag tabyldy, dep habarlaıdy Kazinform agenttigi Euronews-ke silteme jasap.
Qabir bizdiń dáýirimizge deıingi 2649-2150 jyldarǵa saı keledi. Ol jerde tarıhtan syr shertetin beıitter men jádigerler bar.
«Bul aımaqtyń tarıhy týraly baǵa jetpes aqparat beredi», – deıdi japondyq sarapshy Nozomý Kavaı.
Mysyrdyń Týrızm jáne kóne jádigerler mınıstrliginiń habarlaýynsha, arheologtar qabirden sırek qazynalar, ashyq tústi betperde jáne bizdiń zamanymyzǵa deıingi 2890-2686 jyldarda ómir súrgen kishkentaı balanyń qaldyqtary tabylǵan.
Sonymen qatar ol jerden jerleý rásimderimen baılanysty bolǵan ejelgi Egıpet qudaıy Isıs pen únsizdik pen qupııa qudaıy dep atalǵan Garpokrattyń terrakotalyq eki músini tabylǵan.
Tabylǵan zattar arasynda Stela, Geroıd esimdi adamdarǵa tıesili ekenin kórsetetin jazýy bar tas taqta, túrli tumarlar men qysh ydystar da bar.
Aıta keteıik, Sakkara – Mysyr astanasy Memfıstiń úlken qorymy. Bul ıÝNESKO-nyń Álemdik mura nysandaryn jáne onnan astam pıramıdany qamtıdy. Onyń ishinde áıgili Gıza pıramıdalary, sondaı-aq Abý Sır, Dahshýr jáne Abý Rýveıstegi kishirek pıramıdalar da bar.
