Arheologtar Kanadadan 13 myń jyl buryn ómir súrgen adam izin tapty
ASTANA. QazAqparat - Brıtanııalyq Kolýmbııanyń kanadalyq provıntsııasynda 13 myń jyl buryn ómir súrgen adam izderi tabyldy, dep habarlady TASS.
Vıktorııa ýnıversıtetiniń zertteýshileri Kanadanyń baıyrǵy halqymen birlesip, Kelvert aralynda qazba jumystaryn júrgizdi. Onda ǵalymdar ejelgi adamdardyń tasqa basylǵan on shaqty izin aıqyndady. Arheolog Dankan Maklarenniń aıtýynsha, bul aýdan muz dáýiri, sońǵy myńjyldyqta teńiz deńgeıiniń aýysýyna qaramastan kóp ózgeriske ushyramaǵan.
Zertteýshiniń aıtýynsha, adam izderi tabylǵan orynǵa jaqyn jerden alaý jaǵatyn alań tabylǵan. Tipti, kómir kesekteri de saqtalyp qalǵan. Adam izderiniń jasy 13,2 myń jyl burynǵy dep baǵalandy.
