Arheologtar Kaırdiń janynan ejelgi eki qabirdi tapty
ASTANA. Qańtardyń 10-y. QazAqparat - Kaırdiń ońtústigine qaraı birneshe ondaǵan shaqyrym jerde ornalasqan mysyrlyq Sakkara eldi mekeninen arheologtar buǵan deıin belgisiz bolyp kelgen ejelgi eki qabirdi tapty. Olardyń jasy shamamen 2,5 myń jyldy quraıdy,
dep habarlaıdy QazAqparat Lenta.rý saıtyna silteme jasap.
Mysyrlyq sarapshylardyń aıtýynsha, tabylǵan qabirlerdiń biri aqshyl topyraqty tóbeshikke oıyp jasalǵan bólmeden turady. Bul Sakkarada buǵan deıin tabylǵandarynyń ishindegi eń úlkeni bolyp otyr. Zertteýshiler ishinen mýmııalanǵan qyrandy, qańqalardy jáne qysh buıymdardy tapty.
Mysyrdyń kóne jádigerler isteri jónindegi Joǵarǵy keńesiniń basshysy Zahı Havastyń aıtýynsha, bul máıithana óziniń qazylǵan sátinen bastap birneshe ret paıdalanylǵan. Ol Rım ımperııasynyń quldyraýy kezeńinde munda qaraqshylar bas suqqan degen joramaldy aıtty.
Arheolog bul jańalyqtyń Ejelgi Egıpet astanasynyń nekropoly - Memfısa ornalasqan Sakkara eldi mekeni, uzaq zerttelý tarıhyna qaramastan, áli kúnge deıin qupııany búgip kele jatyr dep boljam jasaýǵa múmkindik beretinin aıtady.
